nigah-e-zard mein rang-e-KHumar kya kahna

nigāh-e-zard meñ rang-e-ḳhumār kyā kahnā

ḳhizāñ ke daur meñ fasl-e-bahār kyā kahnā

samajh sakā na koī juz mire sir-e-mahfil

faqīr ishāre ko ai chashm-e-yār kyā kahnā

milā hai lutf-e-ġham-e-intizār jo ham ko

tire karam kā ai ġhaflat-shi.ār kyā kahnā

har ek zarre pe terā gumān hotā hai

nazar meñ raqsāñ hai tasvīr-e-yār kyā kahnā

tire nishāne kī tārīf kyā karūñ zālim

sināñ hue haiñ jigar hī ke paas kyā kahnā

mujhe miTā ke jahān-e-sitam se ai zālim

huī hai chashm tirī ashk-bār kyā kahnā

kisī kī chaah meñ ḳhud ko miTā liyā ai 'prem'

kitāb-e-ishq kā ye iḳhtisār kyā kahnā

nigah-e-zard mein rang-e-KHumar kya kahna

KHizan ke daur mein fasl-e-bahaar kya kahna

samajh saka na koi juz mere sir-e-mahfil

faqir ishaare ko ai chashm-e-yar kya kahna

mila hai lutf-e-gham-e-intizar jo hum ko

tere karam ka ai ghaflat-shiar kya kahna

har ek zarre pe tera guman hota hai

nazar mein raqsan hai taswir-e-yar kya kahna

tere nishane ki tarif kya karun zalim

sinan hue hain jigar hi ke pas kya kahna

mujhe miTa ke jahan-e-sitam se ai zalim

hui hai chashm teri ashk-bar kya kahna

kisi ki chah mein KHud ko miTa liya ai 'prem'

kitab-e-ishq ka ye iKHtisar kya kahna