nigah par jo paD rahi thi dhul se nikal gae

nigāh par jo paḌ rahī thī dhuul se nikal ga.e

samajh rahe the sab ġhalat ki bhuul se nikal ga.e

ye māhtāb-e-shams hai ye āftāb-e-fikr-o-fan

hijāb-e-jāñ rahā nahīñ qubūl se nikal ga.e

ye 'āshiqī ke falsafe yaqīn-dar-yaqīñ gumāñ

paḌhā nahīñ thā zābta schōl se nikal ga.e

jhukā nahīñ sakā koī sivā ḳhudā ke nāḳhudā

usuul par DaTe rahe usuul se nikal ga.e

malāl-e-jāñ na thā kabhī na hai na ho sakā kabhī

malāl-e-dil kā shukriya malūl se nikal ga.e

kiyā to 'ishq hī kiyā kabhī rakhā na fāsla

so vasl se visāl se vasūl se nikal ga.e

babūl bhī qubūl haiñ qubūl haiñ babūl bhī

magar na jaane kyā huā vo phuul se nikal ga.e

na hasrat-e-talab rahī na qalb meñ ḳhalish koī

hisāb-e-jāñ pe naaz hai husūl se nikal ga.e

nigah par jo paD rahi thi dhul se nikal gae

samajh rahe the sab ghalat ki bhul se nikal gae

ye mahtab-e-shams hai ye aaftab-e-fikr-o-fan

hijab-e-jaan raha nahin qubul se nikal gae

ye 'ashiqi ke falsafe yaqin-dar-yaqin guman

paDha nahin tha zabta school se nikal gae

jhuka nahin saka koi siwa KHuda ke naKHuda

usul par DaTe rahe usul se nikal gae

malal-e-jaan na tha kabhi na hai na ho saka kabhi

malal-e-dil ka shukriya malul se nikal gae

kiya to 'ishq hi kiya kabhi rakha na fasla

so wasl se visal se wasul se nikal gae

babul bhi qubul hain qubul hain babul bhi

magar na jaane kya hua wo phul se nikal gae

na hasrat-e-talab rahi na qalb mein KHalish koi

hisab-e-jaan pe naz hai husul se nikal gae