nigah se bhi gae arz-e-haal se bhi gae

nigāh se bhī ga.e arz-e-hāl se bhī ga.e

vo barhamī hai ki ham bol-chāl se bhī ga.e

vo lafz jo maiñ tirī aarzū meñ likhtī thī

vo naqsh to mirī lauh-e-ḳhayāl se bhī ga.e

misāl detī thī duniyā bhī jis rifāqat kī

vo fāsle haiñ ki ab is misāl se bhī ga.e

vo tā.irān-e-mohabbat jinheñ falak na milā

uḌaan bhar na sake aur Daal se bhī ga.e

vo harf-e-marham-e-har-zaḳhm yaad the 'afroz'

ab un ke ba.ad to ham indimāl se bhī ga.e

nigah se bhi gae arz-e-haal se bhi gae

wo barhami hai ki hum bol-chaal se bhi gae

wo lafz jo main teri aarzu mein likhti thi

wo naqsh to meri lauh-e-KHayal se bhi gae

misal deti thi duniya bhi jis rifaqat ki

wo fasle hain ki ab is misal se bhi gae

wo tairan-e-mohabbat jinhen falak na mila

uDan bhar na sake aur Dal se bhi gae

wo harf-e-marham-e-har-zaKHm yaad the 'afroz'

ab un ke baad to hum indimal se bhi gae