nihatte aadmi pe baDh ke KHanjar tan leti hai

nihatte aadmī pe baḌh ke ḳhanjar taan letī hai

mohabbat meñ na paḌ jaanā mohabbat jaan letī hai

use ḳhāmosh dekhūñ to sunā.ī kuchh nahīñ detā

dikhā.ī kuchh nahīñ detā nazar jab kaan letī hai

udāsī āshnā hai is qadar aahaT se merī ab

jahāñ se bhī guzartā huuñ mujhe pahchān letī hai

ḳhushī to de hī detī hai tirī duniyā mujhe lā kar

magar badle meñ vo us ke mirā īmān letī hai

bas ik lamha lagātī hai ḳhushī aa kar guzarne meñ

udāsī aa.e to sadiyoñ kī miTTī chhān letī hai

barābar baañT detī hai vo sāñseñ ḳhāk-zādoñ meñ

na-jāne zindagī kis kī dukāñ se bhaan letī hai

isī ke saath chaltī hai ye manzil par pahuñchne tak

ye rāh-e-ġham jise apnā musāfir jaan letī hai

vo har machhlī jo machhlī ghar kī paidāvār ho sāhab

vo machhlī ghar ko hī apnā samundar maan letī hai

ham us ke haath pe rakh deñ zamīn-o-āsmāñ lā kar

magar vo ham faqīroñ kā kahāñ ehsān letī hai

sar-e-maqtal bikhar jaate haiñ is meñ Dūbne vaale

mohabbat har qadam par ḳhuun kā tāvān letī hai

agar bujhne se bachnā hai to lau se lau jalāo 'zeb'

havā jalte charāġhoñ se yahī paimān letī hai

nihatte aadmi pe baDh ke KHanjar tan leti hai

mohabbat mein na paD jaana mohabbat jaan leti hai

use KHamosh dekhun to sunai kuchh nahin deta

dikhai kuchh nahin deta nazar jab kan leti hai

udasi aashna hai is qadar aahaT se meri ab

jahan se bhi guzarta hun mujhe pahchan leti hai

KHushi to de hi deti hai teri duniya mujhe la kar

magar badle mein wo us ke mera iman leti hai

bas ek lamha lagati hai KHushi aa kar guzarne mein

udasi aae to sadiyon ki miTTi chhan leti hai

barabar banT deti hai wo sansen KHak-zadon mein

na-jaane zindagi kis ki dukan se bhan leti hai

isi ke sath chalti hai ye manzil par pahunchne tak

ye rah-e-gham jise apna musafir jaan leti hai

wo har machhli jo machhli ghar ki paidawar ho sahab

wo machhli ghar ko hi apna samundar man leti hai

hum us ke hath pe rakh den zamin-o-asman la kar

magar wo hum faqiron ka kahan ehsan leti hai

sar-e-maqtal bikhar jate hain is mein Dubne wale

mohabbat har qadam par KHun ka tawan leti hai

agar bujhne se bachna hai to lau se lau jalao 'zeb'

hawa jalte charaghon se yahi paiman leti hai