nil-e-falak ke ism mein naqsh-e-asir ke sabab

nīl-e-falak ke ism meñ naqsh-e-asīr ke sabab

hairat hai āb-o-ḳhāk meñ māh-e-munīr ke sabab

ban meñ alāhidgī sī hai us ke jamāl-e-sabz se

daa.im fazā firāq kī shajar-e-pīr ke sabab

vus.at-e-shahr-e-tañg-dil sarmā kī sub.h-e-sard meñ

jaagī hai Dar ke ḳhvāb se sūrat-e-faqīr ke sabab

sahn-e-makāñ meñ shal hai dast-e-duā-e-āgahī

dil meñ hai shauq-e-be-hisāb had kī lakīr ke sabab

zaḳhm-e-vajūd kī davā bas vahī āḳhirī sadā

zinda huuñ jis ke shauq meñ sabr-e-kabīr ke sabab

sehr hai maut meñ 'munīr' jaise hai sehr-e-ā.ina

saarī kashish hai chiiz meñ apnī nazīr ke sabab

nil-e-falak ke ism mein naqsh-e-asir ke sabab

hairat hai aab-o-KHak mein mah-e-munir ke sabab

ban mein alahidgi si hai us ke jamal-e-sabz se

daim faza firaq ki shajar-e-pir ke sabab

wusat-e-shahr-e-tang-dil sarma ki subh-e-sard mein

jagi hai Dar ke KHwab se surat-e-faqir ke sabab

sahn-e-makan mein shal hai dast-e-dua-e-agahi

dil mein hai shauq-e-be-hisab had ki lakir ke sabab

zaKHm-e-wajud ki dawa bas wahi aaKHiri sada

zinda hun jis ke shauq mein sabr-e-kabir ke sabab

sehr hai maut mein 'munir' jaise hai sehr-e-aina

sari kashish hai chiz mein apni nazir ke sabab