nind aankhon se ja chuki kab ki

niiñd āñkhoñ se jā chukī kab kī

raat ye bhed pā chukī kab kī

zindagī tū ne haar jaanā hai

tū hameñ aazmā chukī kab kī

ham purānī Dagar pe qaa.em log

tū na.ī rah banā chukī kab kī

raat ke paas kuchh nahīñ baaqī

ik diyā thā jalā chukī kab kī

jis ko maiñ sher sher likhtā huuñ

merī ġhazleñ bhulā chukī kab kī

ab to bīnā.ī bhī nahīñ baaqī

aañkh motī gañvā chukī kab kī

pakkī saḌkoñ tak aa ga.e 'ā'vān'

gard gaaḌī uḌā chukī kab kī

nind aankhon se ja chuki kab ki

raat ye bhed pa chuki kab ki

zindagi tu ne haar jaana hai

tu hamein aazma chuki kab ki

hum purani Dagar pe qaem log

tu nai rah bana chuki kab ki

raat ke pas kuchh nahin baqi

ek diya tha jala chuki kab ki

jis ko main sher sher likhta hun

meri ghazlen bhula chuki kab ki

ab to binai bhi nahin baqi

aankh moti ganwa chuki kab ki

pakki saDkon tak aa gae 'a'wan'

gard gaDi uDa chuki kab ki