nind in aankhon mein ban kar aae koi

niiñd in āñkhoñ meñ ban kar aa.e koī

lorī maañ kī mujhe sunā jaa.e koī

duur yahāñ se jā kar sab kuchh bhuul ga.e

ham zinda haiñ un ko batlā.e koī

roz-e-azal se ham the akele duniyā meñ

kahāñ se aur kaise ab saath aa.e koī

sach ko maiñ sach maan luuñ ab ye behtar hai

mujh ko qaa.il kaise kar paa.e koī

aisī kahānī kabhī nahīñ jo guzrī ho

vahī kahānī mujhe sunā jaa.e koī

dard ko sahnā bhī aadat meñ shāmil hai

dard kī kitnī had hai samjhā.e koī

ab kuchh hī lamhoñ kā safar ye baaqī hai

'sāhiba' bojh kahāñ tak sah paa.e koī

nind in aankhon mein ban kar aae koi

lori man ki mujhe suna jae koi

dur yahan se ja kar sab kuchh bhul gae

hum zinda hain un ko batlae koi

roz-e-azal se hum the akele duniya mein

kahan se aur kaise ab sath aae koi

sach ko main sach man lun ab ye behtar hai

mujh ko qail kaise kar pae koi

aisi kahani kabhi nahin jo guzri ho

wahi kahani mujhe suna jae koi

dard ko sahna bhi aadat mein shamil hai

dard ki kitni had hai samjhae koi

ab kuchh hi lamhon ka safar ye baqi hai

'sahiba' bojh kahan tak sah pae koi