nind jab KHwab ko pukarti hai

niiñd jab ḳhvāb ko pukārtī hai

raat apnā libās utārtī hai

maiñ use kaise jiit saktā huuñ

vo mujhe apnā jism hārtī hai

maiñ diyā haath par utārtā huuñ

aur diye par vo lau utārtī hai

maiñ akelā use pukārtā thā

ab havā bhī use pukārtī hai

vo mire saath nīm-ḳhvābī meñ

raat kī tarah din guzārtī hai

kuchh to vo bhīgtī hai bārish meñ

kuchh havā bhī use sañvārtī hai

mom-battī sī uñgliyoñ ke saath

vo mirā bhīgā coat utārtī hai

mere hoñToñ kī tishnagī 'qaisar'

surḳhī lab se wip nikhārtī hai

nind jab KHwab ko pukarti hai

raat apna libas utarti hai

main use kaise jit sakta hun

wo mujhe apna jism haarti hai

main diya hath par utarta hun

aur diye par wo lau utarti hai

main akela use pukarta tha

ab hawa bhi use pukarti hai

wo mere sath nim-KHwabi mein

raat ki tarah din guzarti hai

kuchh to wo bhigti hai barish mein

kuchh hawa bhi use sanwarti hai

mom-batti si ungliyon ke sath

wo mera bhiga coat utarti hai

mere honTon ki tishnagi 'qaisar'

surKHi lab se wip nikhaarti hai