nind ka ras faza mein gholo ho

niiñd kā ras fazā meñ gholo ho

ai miyāñ kyā zabān bolo ho

mere hālāt par haiñ tanqīdeñ

tum kabhī ḳhud ko bhī TaTolo ho

aah fariyād nāla-o-shevan

aise 'ālam meñ kaise so lo ho

ye batāo ki yaad meñ us kī

tum bhī dāman kabhī bhigo lo ho

ruḳh havā kā jidhar ko hotā hai

kyoñ usī samt tum bhī ho lo ho

ġham kī shiddat hai maut kā sāmāñ

tum ye achchhā karo ho ro lo ho

nind ka ras faza mein gholo ho

ai miyan kya zaban bolo ho

mere haalat par hain tanqiden

tum kabhi KHud ko bhi TaTolo ho

aah fariyaad nala-o-shewan

aise 'alam mein kaise so lo ho

ye batao ki yaad mein us ki

tum bhi daman kabhi bhigo lo ho

ruKH hawa ka jidhar ko hota hai

kyon usi samt tum bhi ho lo ho

gham ki shiddat hai maut ka saman

tum ye achchha karo ho ro lo ho