nind koson dur thi go waqt wo sone ka tha

niiñd kosoñ duur thī go vaqt vo sone kā thā

dar-ba-dar pahle se the ab ġham use khone kā thā

bādbāñ bhī ab na.e the aur havā mā’qūl thī

imtihāñ sab se baḌā us se judā hone kā thā

aaj tak us dil kī dhaḌkan kaan tak pahuñchī nahīñ

aaj ye 'uqda khulā us kā bhī dil sone kā thā

khīñch laa.e the bhañvar se kashtiyāñ sāhil pe ham

mas.ala ab dāġh-e-malbūs-e-safar dhone kā thā

bech Daalī thī numū miTTī kī kyā khilte gulāb

ḳhār-o-ḳhas ke ab 'alāva aur kyā bone kā thā

nind koson dur thi go waqt wo sone ka tha

dar-ba-dar pahle se the ab gham use khone ka tha

baadban bhi ab nae the aur hawa ma’qul thi

imtihan sab se baDa us se juda hone ka tha

aaj tak us dil ki dhaDkan kan tak pahunchi nahin

aaj ye 'uqda khula us ka bhi dil sone ka tha

khinch lae the bhanwar se kashtiyan sahil pe hum

masala ab dagh-e-malbus-e-safar dhone ka tha

bech Dali thi numu miTTi ki kya khilte gulab

KHar-o-KHas ke ab 'alawa aur kya bone ka tha