nind na aae sar bhi bhaari ho

niiñd na aa.e sar bhī bhārī ho

aise meñ ḳhaak ḳhvāb kaarī ho

mere āñgan meñ is tarah utro

ghar meñ bas raushnī tumhārī ho

ye mire saath hī javāñ huī hai

kis tarah ḳhatm be-qarārī ho

merī bāteñ bhī koī mānegā

saarī duniyā hī jab tumhārī ho

yuuñ to ham sher bhī nahīñ kahte

tujh ko dekheñ to nazm jaarī ho

mere pahlū meñ barsar-e-paikār

kyā ḳhabar aap kā havārī ho

sab se miltā huuñ muskurā ke 'adan'

vaar khātā huuñ vo jo kaarī ho

nind na aae sar bhi bhaari ho

aise mein KHak KHwab kari ho

mere aangan mein is tarah utro

ghar mein bas raushni tumhaari ho

ye mere sath hi jawan hui hai

kis tarah KHatm be-qarari ho

meri baaten bhi koi manega

sari duniya hi jab tumhaari ho

yun to hum sher bhi nahin kahte

tujh ko dekhen to nazm jari ho

mere pahlu mein barsar-e-paikar

kya KHabar aap ka hawari ho

sab se milta hun muskura ke 'adan'

war khata hun wo jo kari ho