nind se aankh khuli hai abhi dekha kya hai
niiñd se aañkh khulī hai abhī dekhā kyā hai
dekh lenā abhī kuchh der meñ duniyā kyā hai
bāñdh rakkhā hai kisī soch ne ghar se ham ko
varna apnā dar-o-dīvār se rishta kyā hai
ret kī iiñT kī patthar kī ho yā miTTī kī
kisī dīvār ke saa.e kā bharosā kyā hai
gher kar mujh ko bhī laTkā diyā maslūb ke saath
maiñ ne logoñ se ye pūchhā thā ki qissa kyā hai
sañg-rezo ke sivā kuchh tire dāman meñ nahīñ
kyā samajh kar tū lapaktā hai uThātā kyā hai
apnī dānist meñ samjhe koī duniyā 'shāhid'
varna hāthoñ meñ lakīroñ ke alāva kyā hai
nind se aankh khuli hai abhi dekha kya hai
dekh lena abhi kuchh der mein duniya kya hai
bandh rakkha hai kisi soch ne ghar se hum ko
warna apna dar-o-diwar se rishta kya hai
ret ki inT ki patthar ki ho ya miTTi ki
kisi diwar ke sae ka bharosa kya hai
gher kar mujh ko bhi laTka diya maslub ke sath
main ne logon se ye puchha tha ki qissa kya hai
sang-rezo ke siwa kuchh tere daman mein nahin
kya samajh kar tu lapakta hai uThata kya hai
apni danist mein samjhe koi duniya 'shahid'
warna hathon mein lakiron ke alawa kya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
