nind se aankh wo mil kar jage

niiñd se aañkh vo mil kar jaage

kitne so.e hue manzar jaage

kis kī ḳhātir hai pareshāñ tirī zulf

ham isī fikr meñ shab bhar jaage

zarb-e-tesha kī sadā thī kaisī

aañkh malte hue patthar jaage

yuuñ bhī guzre haiñ shab-o-roz ki ham

niiñd kī fikr meñ aksar jaage

tishnagī ne jo nichoḌā dāman

karvaTeñ le ke samundar jaage

saikḌoñ rang haiñ āñkhoñ meñ magar

zehn meñ ek hī paikar jaage

ḳhvāb kā jashn manāne ke liye

log sunte haiñ ki ghar ghar jaage

ham ne kāġhaz pe likhā naam tirā

harf o ma.anī ke muqaddar jaage

un ko bedār na kahiye 'shā.ir'

log jo ḳhvāb ke andar jaage

nind se aankh wo mil kar jage

kitne soe hue manzar jage

kis ki KHatir hai pareshan teri zulf

hum isi fikr mein shab bhar jage

zarb-e-tesha ki sada thi kaisi

aankh malte hue patthar jage

yun bhi guzre hain shab-o-roz ki hum

nind ki fikr mein aksar jage

tishnagi ne jo nichoDa daman

karwaTen le ke samundar jage

saikDon rang hain aankhon mein magar

zehn mein ek hi paikar jage

KHwab ka jashn manane ke liye

log sunte hain ki ghar ghar jage

hum ne kaghaz pe likha nam tera

harf o mani ke muqaddar jage

un ko bedar na kahiye 'shair'

log jo KHwab ke andar jage