نیند تو میں کما کے لاتا ہوں
نیند تو میں کما کے لاتا ہوں
خواب لیکن چرا کے لاتا ہوں
تم شجر کو ذرا دلاسا دو
میں پرندے بلا کے لاتا ہوں
عکس کے آگ میں اترنے تک
آئنے میں سجا کے لاتا ہوں
لے تو آتا ہوں دشت آنکھوں میں
پانیوں کو دکھا کے لاتا ہوں
پھل کی قسمت ہے پک کے گر جانا
اور میں ٹہنی ہلا کے لاتا ہوں
مجھ کو مجھ بن کہیں نہیں ہے قرار
شہر سارا گھما کے لاتا ہوں
راستہ جگنوؤں کا عادی ہے
میں دیے کو بجھا کے لاتا ہوں
آپ کیوں تیرگی سے لڑتے ہیں
روشنی کو منا کے لاتا ہوں
آگ لاتا ہوں مانگ کے لیکن
اپنا قصہ سنا کے لاتا ہوں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
