nind TuTi to samundar na jazira dekha

niiñd TuuTī to samundar na jazīra dekhā

raat bhī maiñ ne vahī ḳhvāb-e-shikasta dekhā

sab pareshān haiñ lamhoñ kī girāñbārī se

maiñ ne har shaḳhs ke māthe pe pasīna dekhā

us ne sahmī huī āñkhoñ pe hathelī rakh lī

jab ḳhas-e-jism se uThtā huā sho.ala dekhā

goshe goshe meñ kisī ḳhauf kī parchhā.īñ thī

ghar kī har chiiz pe aaseb kā saaya dekhā

sab kī peshānī pe hālāt kī tārīkī thī

sab ke hoñToñ pe kaḌe vaqt kā nauha dekhā

koī tahzīb bhī sā.ista-e-malbūs nahīñ

jis ko bhī dekhā sar-e-rāh barahna dekhā

hañs ke milne se tasanño kī chamak chhup na sakī

haa.e vo chehra jo maiñ ne pas-e-chehra dekhā

nind TuTi to samundar na jazira dekha

raat bhi main ne wahi KHwab-e-shikasta dekha

sab pareshan hain lamhon ki giranbari se

main ne har shaKHs ke mathe pe pasina dekha

us ne sahmi hui aankhon pe hatheli rakh li

jab KHas-e-jism se uThta hua shoala dekha

goshe goshe mein kisi KHauf ki parchhain thi

ghar ki har chiz pe aaseb ka saya dekha

sab ki peshani pe haalat ki tariki thi

sab ke honTon pe kaDe waqt ka nauha dekha

koi tahzib bhi saista-e-malbus nahin

jis ko bhi dekha sar-e-rah barahna dekha

hans ke milne se tasanno ki chamak chhup na saki

hae wo chehra jo main ne pas-e-chehra dekha