nind ujDi to nigahon mein manazir kya hain

niind ujḌī to nigāhoñ meñ manāzir kyā haiñ

ham ki betāb kisī ḳhvāb kī ḳhātir kyā haiñ

barg-e-māsūm se karte haiñ ḳhizāñ kī bāteñ

mausam-e-sabz ke lamhāt bhī shātir kyā haiñ

jaise ujḌī huī bastī meñ ibādat kā samāñ

sūkhtī shāḳh pe baiThe hue taa.ir kyā haiñ

kyuuñ ba-har-lamha bikhartā hai yaqīñ kā paikar

tanz o tashkīk ke asbāb bil-āḳhir kyā haiñ

rāh-e-pur-ḳhār pe ye chalte bagūle kī tarah

roz-e-mahshar ke payāmī haiñ musāfir kyā haiñ

dardmandāna sadāqat ke payambar 'shahpar'

dard kī baat samajhne se bhī qāsir kyā haiñ

nind ujDi to nigahon mein manazir kya hain

hum ki betab kisi KHwab ki KHatir kya hain

barg-e-masum se karte hain KHizan ki baaten

mausam-e-sabz ke lamhat bhi shatir kya hain

jaise ujDi hui basti mein ibaadat ka saman

sukhti shaKH pe baiThe hue tair kya hain

kyun ba-har-lamha bikharta hai yaqin ka paikar

tanz o tashkik ke asbab bil-aKHir kya hain

rah-e-pur-KHar pe ye chalte bagule ki tarah

roz-e-mahshar ke payami hain musafir kya hain

dardmandana sadaqat ke payambar 'shahpar'

dard ki baat samajhne se bhi qasir kya hain