nikal ke ghar se phir is tarah ghar gae hum tum

nikal ke ghar se phir is tarah ghar ga.e ham tum

ḳhud apnī raakh uḌāte bikhar ga.e ham tum

zamāna apnī adā-kāriyoñ pe nāzāñ thā

aur apne-āp pe ilzām dhar ga.e ham tum

use kaho ġham-e-tārāji-e-chaman ho use

had bahār o ḳhizāñ se guzar ga.e ham tum

kabhī jahāñ ke muqābil rahe tan-e-tanhā

kabhī ḳhud apnī hī aahaT se Dar ga.e ham tum

nikal ke ghar se phir is tarah ghar gae hum tum

KHud apni rakh uDate bikhar gae hum tum

zamana apni ada-kariyon pe nazan tha

aur apne-ap pe ilzam dhar gae hum tum

use kaho gham-e-taraji-e-chaman ho use

had bahaar o KHizan se guzar gae hum tum

kabhi jahan ke muqabil rahe tan-e-tanha

kabhi KHud apni hi aahaT se Dar gae hum tum