nikal ke zehn se mere zaban pe aaya kab

nikal ke zehn se mere zabāñ pe aayā kab

vo dil kā naġhma sahī maiñ ne gungunāyā kab

ga.ī jo dhuup to ab chāñdnī kī baarī hai

ki saath chhoḌegā merā ye kaalā saaya kab

na jaane ho gayā duniyā meñ tere jaisā kyuuñ

sabaq hayāt kā tū ne mujhe paḌhāyā kab

tamām-shahr to ḳhushbū se us kī vāqif hai

koī to mujh ko batātā yahāñ vo aayā kab

maiñ tum se pahle milā thā to us meñ dhaḌkan thī

batāo siine meñ patthar kā dil lagāyā kab

maiñ is ke dhyān meñ is darja gum huā ik din

pata chalā hī nahīñ kab gayā vo aayā kab

safar ye dhuup kā ab ḳhatm hone vaalā hai

chalegā saath mire koī saaya saaya kab

nikal ke zehn se mere zaban pe aaya kab

wo dil ka naghma sahi main ne gungunaya kab

gai jo dhup to ab chandni ki bari hai

ki sath chhoDega mera ye kala saya kab

na jaane ho gaya duniya mein tere jaisa kyun

sabaq hayat ka tu ne mujhe paDhaya kab

tamam-shahr to KHushbu se us ki waqif hai

koi to mujh ko batata yahan wo aaya kab

main tum se pahle mila tha to us mein dhaDkan thi

batao sine mein patthar ka dil lagaya kab

main is ke dhyan mein is darja gum hua ek din

pata chala hi nahin kab gaya wo aaya kab

safar ye dhup ka ab KHatm hone wala hai

chalega sath mere koi saya saya kab