nikhat-o-nur ka sailab tha chaaron jaanib

nikhat-o-nūr kā sailāb thā chāroñ jānib

maiñ akelā thā mirā ḳhvāb thā chāroñ jānib

vasl kā nashsha rag-o-pai meñ samundar jaisā

ik badan sūrat-e-mahtāb thā chāroñ jānib

ham-rahī ne tirī khole the rumūz-e-hastī

aañkh bhar manzar-e-shādāb thā chāroñ jānib

thā samā.at pe vahī fiqroñ kā bojhal shab-ḳhūñ

maiñ bhī thā halqa-e-ahbāb thā chāroñ jānib

maiñ kahāñ kāsa-e-ulfat liye phirtā 'aslam'

zar-e-iḳhlās hī kamyāb thā chāroñ jānib

nikhat-o-nur ka sailab tha chaaron jaanib

main akela tha mera KHwab tha chaaron jaanib

wasl ka nashsha rag-o-pai mein samundar jaisa

ek badan surat-e-mahtab tha chaaron jaanib

ham-rahi ne teri khole the rumuz-e-hasti

aankh bhar manzar-e-shadab tha chaaron jaanib

tha samaat pe wahi fiqron ka bojhal shab-KHun

main bhi tha halqa-e-ahbab tha chaaron jaanib

main kahan kasa-e-ulfat liye phirta 'aslam'

zar-e-iKHlas hi kamyab tha chaaron jaanib