nikla hai chand shab ki pazirai ke liye
niklā hai chāñd shab kī pazīrā.ī ke liye
ye uzr kam hai anjuman-ārā.ī ke liye
thā bolnā to ho ga.e ḳhāmosh ham sabhī
kyā kuchh kiyā hai shohrat o rusvā.ī ke liye
pal bhar meñ kaise log badal jaate haiñ yahāñ
dekho ki ye mufīd hai bīnā.ī ke liye
sarsabz merī shāḳh-e-hunar kyuuñ nahīñ huī
ye mas.ala hai tere tamannā.ī ke liye
hai aaj ye gila ki akelā hai 'shahryār'
tarsoge kal hujūm meñ tanhā.ī ke liye
nikla hai chand shab ki pazirai ke liye
ye uzr kam hai anjuman-arai ke liye
tha bolna to ho gae KHamosh hum sabhi
kya kuchh kiya hai shohrat o ruswai ke liye
pal bhar mein kaise log badal jate hain yahan
dekho ki ye mufid hai binai ke liye
sarsabz meri shaKH-e-hunar kyun nahin hui
ye masala hai tere tamannai ke liye
hai aaj ye gila ki akela hai 'shahryar'
tarsoge kal hujum mein tanhai ke liye
- Book : sooraj ko nikalta dekhoon (Pg. 506)
- Author : shaharyar
- Publication : educational book house (2013)
- Edition : 2013
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
