nikle wo phul ban ke tere gulsitan se hum

nikle vo phuul ban ke tire gulsitāñ se ham

mahkā diyā fazāoñ ko guzre jahāñ se ham

ab to yahī harīm-e-mohabbat hai ai sanam

jaa.eñ kahāñ ab uTh ke tire āstāñ se ham

duniyā meñ ab kahīñ bhī Thahartī nahīñ nazar

tujh sā hasīn laa.eñ to laa.eñ kahāñ se ham

dil le ke jis ne dard-e-mohabbat atā kiyā

māñgeñge ab davā bhī usī mehrbāñ se ham

dāman meñ kuchh to Daal de apne karam kī bhiik

dāman tahī na jā.eñge us āstāñ se ham

terā karam rahā jo rah-e-ishq meñ sanam

ik roz aa mileñge tire kārvāñ se ham

likkhī huī thī qaid-e-anāsir nasīb meñ

le kar chale haiñ apnā qafas āshiyāñ se ham

rāh-e-junūñ meñ khilne lage āshiqī ki phuul

un ke karam ke saa.e meñ guzre jahāñ se ham

Thukrā.eñ yā navāz leñ vo ham ko ai 'fanā'

shikva kabhī kareñge na apnī zabāñ se ham

nikle wo phul ban ke tere gulsitan se hum

mahka diya fazaon ko guzre jahan se hum

ab to yahi harim-e-mohabbat hai ai sanam

jaen kahan ab uTh ke tere aastan se hum

duniya mein ab kahin bhi Thaharti nahin nazar

tujh sa hasin laen to laen kahan se hum

dil le ke jis ne dard-e-mohabbat ata kiya

mangenge ab dawa bhi usi mehrban se hum

daman mein kuchh to Dal de apne karam ki bhik

daman tahi na jaenge us aastan se hum

tera karam raha jo rah-e-ishq mein sanam

ek roz aa milenge tere karwan se hum

likkhi hui thi qaid-e-anasir nasib mein

le kar chale hain apna qafas aashiyan se hum

rah-e-junun mein khilne lage aashiqi ki phul

un ke karam ke sae mein guzre jahan se hum

Thukraen ya nawaz len wo hum ko ai 'fana'

shikwa kabhi karenge na apni zaban se hum