niklega sada zabt se tashhir ka pahlu

niklegā sadā zabt se tash.hīr kā pahlū

hai raat ke pahlū hī meñ tanvīr kā pahlū

lahje ko zarā dekh mire dost ki varna

niklegā tirī baat se shamshīr kā pahlū

badnām hue ishq ke maidān meñ saare

dāġhoñ se na bach paayā jahāñgīr kā pahlū

qur.ān kā har lafz-o-bayāñ nudrat-e-kāmil

laa.ī hai ḳhirad DhūñD ke tafsīr kā pahlū

duniyā hai ruḳh-e-yār kā bātin bhī zarā dekh

zāhir meñ bahut ḳhuub hai tasvīr kā pahlū

jab gher liyā gardish-e-ayyām ne 'tābish'

niklā mire kirdār se taqsīr kā pahlū

niklega sada zabt se tashhir ka pahlu

hai raat ke pahlu hi mein tanwir ka pahlu

lahje ko zara dekh mere dost ki warna

niklega teri baat se shamshir ka pahlu

badnam hue ishq ke maidan mein sare

daghon se na bach paya jahangir ka pahlu

quran ka har lafz-o-bayan nudrat-e-kaamil

lai hai KHirad DhunD ke tafsir ka pahlu

duniya hai ruKH-e-yar ka baatin bhi zara dekh

zahir mein bahut KHub hai taswir ka pahlu

jab gher liya gardish-e-ayyam ne 'tabish'

nikla mere kirdar se taqsir ka pahlu