nikli jo ruh jism se phir hai badan mein kya

niklī jo ruuh jism se phir hai badan meñ kyā

jab sham.a bujh ga.ī to rahā anjuman meñ kyā

vo sher kyā ki dil meñ jo nashtar chubhā na de

ho jis meñ bū na dard kī hai us suḳhan meñ kyā

TeḌhā javāb dete ho tum sīdhī baat kā

yaad ik adā yahī hai tumheñ bāñkpan meñ kyā

hal kar diyā tabassum-e-lab ne ye mas.ala

ab uzr aap ko hai subūt-e-dahan meñ kyā

aa ham dikhā.eñ dāġh-e-jigar kī tujhe bahār

ai andalīb sair hai tere chaman meñ kyā

kyoñ chūmte haiñ is ko nakīrain baar baar

naam us kā hai likhā huā mere kafan meñ kyā

sau ahd us ne toḌe magar phir yaqīn hai

hai mo.ajiza yahī lab-e-paimāñ-shikan meñ kyā

ai ahl-e-aql is kā mazā yuuñ na aa.egā

dīvāna ban ke dekho hai dīvāna-pan meñ kyā

jo naafā hai vo kākul-e-mushkīñ kī hai girah

sad-rang kyā hai aur hai rang-e-saman meñ kyā

tum māl-dār ho na hunar-var na bā-kamāl

'akbar' tumhārī qadr ho mulk-e-dakan meñ kyā

nikli jo ruh jism se phir hai badan mein kya

jab shama bujh gai to raha anjuman mein kya

wo sher kya ki dil mein jo nashtar chubha na de

ho jis mein bu na dard ki hai us suKHan mein kya

TeDha jawab dete ho tum sidhi baat ka

yaad ek ada yahi hai tumhein bankpan mein kya

hal kar diya tabassum-e-lab ne ye masala

ab uzr aap ko hai subut-e-dahan mein kya

aa hum dikhaen dagh-e-jigar ki tujhe bahaar

ai andalib sair hai tere chaman mein kya

kyon chumte hain is ko nakirain bar bar

nam us ka hai likha hua mere kafan mein kya

sau ahd us ne toDe magar phir yaqin hai

hai moajiza yahi lab-e-paiman-shikan mein kya

ai ahl-e-aql is ka maza yun na aaega

diwana ban ke dekho hai diwana-pan mein kya

jo nafa hai wo kakul-e-mushkin ki hai girah

sad-rang kya hai aur hai rang-e-saman mein kya

tum mal-dar ho na hunar-war na ba-kamal

'akbar' tumhaari qadr ho mulk-e-dakan mein kya