niklunga ek jast mein ghere se KHair chhoD

niklūñgā ek jast meñ ghere se ḳhair chhoḌ

duniyā meñ aa.e haiñ ka.ī tere se ḳhair chhoḌ

ab raat se lagāv mujhe hai bahut hī ḳhaas

lagtī thī pahle chashm savere se ḳhair chhoḌ

ik shaḳhs kyā milā mirī duniyā badal ga.ī

niklā ġham-e-hayāt ke phere se ḳhair chhoḌ

kamre meñ tere dam se daraḳhshāñ thī har ḳhushī

ab haiñ yahāñ pe ranj ghanere se ḳhair chhoḌ

mumkin thā āstīñ se nikal aate mere dost

maiñ biin gar na letā sapere se ḳhair chhoḌ

tajdīd-e-rasm-o-rāh se kis ko thā iḳhtilāf

kis ne uḌaa.ī kaag banere se ḳhair chhoḌ

'alvī' malang huuñ maiñ so harf-e-duā ke baa'd

milnā kisī ko kyā mire Dere se ḳhair chhoḌ

niklunga ek jast mein ghere se KHair chhoD

duniya mein aae hain kai tere se KHair chhoD

ab raat se lagaw mujhe hai bahut hi KHas

lagti thi pahle chashm sawere se KHair chhoD

ek shaKHs kya mila meri duniya badal gai

nikla gham-e-hayat ke phere se KHair chhoD

kamre mein tere dam se daraKHshan thi har KHushi

ab hain yahan pe ranj ghanere se KHair chhoD

mumkin tha aastin se nikal aate mere dost

main bin gar na leta sapere se KHair chhoD

tajdid-e-rasm-o-rah se kis ko tha iKHtilaf

kis ne uDai kag banere se KHair chhoD

'alwi' malang hun main so harf-e-dua ke ba'd

milna kisi ko kya mere Dere se KHair chhoD