nirale nirale se KHwabon ka mausam

nirāle nirāle se ḳhvāboñ kā mausam

javānī kā aalam sarāboñ kā mausam

gulābī gulābī sahāboñ kā mausam

nahīñ rahtā har dam gulāboñ kā mausam

masarrat kī ghaḌiyāñ nahīñ Tik sakīñ jab

badal kar rahegā azāboñ kā mausam

azīzo ye ḳhār-e-gulistāñ haiñ shāhid

zarūr aa.egā phir gulāboñ kā mausam

faqat mausamī hai ye josh-e-javānī

ki bārish meñ jaise habāboñ kā mausam

ġhazab Dhā rahā hai ye shauq-e-numā.ish

qayāmat hai ye be-hijāboñ kā mausam

guzar jaa.eñ din kaash hañste hañsāte

kise raas aayā itāboñ kā mausam

kamā lījiye chāhe jitnī bhalā.ī

buḌhāpā hai 'nāmī' savāboñ kā mausam

nirale nirale se KHwabon ka mausam

jawani ka aalam sarabon ka mausam

gulabi gulabi sahabon ka mausam

nahin rahta har dam gulabon ka mausam

masarrat ki ghaDiyan nahin Tik sakin jab

badal kar rahega azabon ka mausam

azizo ye KHar-e-gulistan hain shahid

zarur aaega phir gulabon ka mausam

faqat mausami hai ye josh-e-jawani

ki barish mein jaise hababon ka mausam

ghazab Dha raha hai ye shauq-e-numaish

qayamat hai ye be-hijabon ka mausam

guzar jaen din kash hanste hansate

kise ras aaya itabon ka mausam

kama lijiye chahe jitni bhalai

buDhapa hai 'nami' sawabon ka mausam