nishan-e-subh-gah-e-jawedan koi nahin hai

nishān-e-sub.h-gah-e-jāvedāñ koī nahīñ hai

charāġh-e-dīda-e-shab-zād-gāñ koī nahīñ hai

ḳharāb-e-hasrat-e-umr-e-masīh-e-ālam huuñ

ḳhushā mudāvā-e-zaḳhm-e-gumāñ koī nahīñ hai

sarāpā zaḳhm-e-ḳhadang-e-nigāh-e-fardā huuñ

maqām-e-dil sar-e-maujūdagāñ koī nahīñ hai

na bāñdh misra-e-tamhīd-e-kulfat-e-hastī

yahāñ pe koh-e-tamannā ba-jāñ koī nahīñ hai

ġhubār-e-jāda-e-tanhā dayār-e-sar-gardāñ

ki be-rihā.ish-o-be-ḳhānumāñ koī nahīñ hai

pas-e-vafā-e-taġhāful-sifat ba-zom-e-vafā

ba-juz yaqīn-e-qarīb-e-gumāñ koī nahīñ hai

to phir ye parda-e-taḳhlīq chashm-e-hairat hai

agar ba-farz-e-girāñ āsmāñ koī nahīñ hai

charāġh-e-matla-e-ummīd-gāh raushan hai

agarche jalva-figan tā-karāñ koī nahīñ hai

maqām-e-fikr-o-amal hai ki be-niyāzī-e-shauq

ki dil meñ ḳhadsha-e-sūd-o-ziyāñ koī nahīñ hai

ba-tama-dārī-e-ganj-e-ma.āniyān-e-ajab

shumār-e-hasrat-e-ganj-e-ravāñ koī nahīñ hai

tamāsha-bīn tamāshā-e-ḳhud-farebī haiñ

navā-e-naġhma-o-nāra-zanāñ koī nahīñ hai

ḳhumār-e-bāda-e-kuhna-navāz-e-kam-nazarī

farāġh-e-sohbat-e-fahmīdagāñ koī nahīñ hai

sitam-rasīda-e-shab-hā-e-intizār-e-sahar

fuġhāñ ki muntazir-e-nīm-jāñ koī nahīñ hai

fasurdagī ko guzargāh-e-nau-bahārī se

ilāqa-e-havas-e-bostāñ koī nahīñ hai

kahāñ sifāt-e-bayān-e-alī kahāñ 'hādis'

magar ba-hasb-e-suḳhan qadr-dāñ koī nahīñ hai

nishan-e-subh-gah-e-jawedan koi nahin hai

charagh-e-dida-e-shab-zad-gan koi nahin hai

KHarab-e-hasrat-e-umr-e-masih-e-alam hun

KHusha mudawa-e-zaKHm-e-guman koi nahin hai

sarapa zaKHm-e-KHadang-e-nigah-e-farda hun

maqam-e-dil sar-e-maujudagan koi nahin hai

na bandh misra-e-tamhid-e-kulfat-e-hasti

yahan pe koh-e-tamanna ba-jaan koi nahin hai

ghubar-e-jada-e-tanha dayar-e-sar-gardan

ki be-rihaish-o-be-KHanuman koi nahin hai

pas-e-wafa-e-taghaful-sifat ba-zom-e-wafa

ba-juz yaqin-e-qarib-e-guman koi nahin hai

to phir ye parda-e-taKHliq chashm-e-hairat hai

agar ba-farz-e-giran aasman koi nahin hai

charagh-e-matla-e-ummid-gah raushan hai

agarche jalwa-figan ta-karan koi nahin hai

maqam-e-fikr-o-amal hai ki be-niyazi-e-shauq

ki dil mein KHadsha-e-sud-o-ziyan koi nahin hai

ba-tama-dari-e-ganj-e-maaniyan-e-ajab

shumar-e-hasrat-e-ganj-e-rawan koi nahin hai

tamasha-bin tamasha-e-KHud-farebi hain

nawa-e-naghma-o-nara-zanan koi nahin hai

KHumar-e-baada-e-kuhna-nawaz-e-kam-nazari

faragh-e-sohbat-e-fahmidagan koi nahin hai

sitam-rasida-e-shab-ha-e-intizar-e-sahar

fughan ki muntazir-e-nim-jaan koi nahin hai

fasurdagi ko guzargah-e-nau-bahaari se

ilaqa-e-hawas-e-bostan koi nahin hai

kahan sifat-e-bayan-e-ali kahan 'hadis'

magar ba-hasb-e-suKHan qadr-dan koi nahin hai