nishan ilm-o-adab ka ab bhi hai ujDe dayaron mein

nishāñ ilm-o-adab kā ab bhī hai ujḌe dayāroñ meñ

ki 'sālim' aur 'muztar' haiñ purānī yādgāroñ meñ

ġharaz 'kaifī'-o-'shā.ir' 'sā.il'-o-'beḳhud' 'hasan' 'shaidā'

alam haiñ arsa-e-ilm-o-adab ke shahsavāroñ meñ

'nasīm' o 'barq' o 'raunaq' 'ġhaus' o 'kaifī' 'azmī' o 'māhir'

'sharar' aur 'zār'-o-'mo.ajiz' nāmvar haiñ sehr-kāroñ meñ

'mubīñ' 'yaktā' 'qamar' 'aḳhlāq' 'shauq' aur 'shākir'-o-'ġhāfil'

'munīr'-o-'shams' sab haiñ ilm-o-fan ke dost-dāroñ meñ

'quraishī' 'vāhidī' 'āsif-baqā.ī' aur 'hasan-ḳhvāja'

haiñ ahd-e-hāzira meñ sab adab ke puḳhta-kāroñ meñ

'sa.īd' o 'yās' o 'vahshī' 'amn' aur 'mahmūd' aur 'akbar'

nahīñ go dehlī vaale dehlavī haiñ isti.āroñ meñ

'munavār' 'muntazir' 'barakat' 'jarī' 'fānī' 'adīb' 'āshiq'

'nihāl' aur 'fikr' aate haiñ isī mad ke shumāroñ meñ

hamārī dars-gāhoñ meñ adab ke 'nāzim'-o-'nāshir'

ḳhudā rakkhe nazar aate haiñ aksar honhāroñ meñ

'alī' o 'tālib' o 'shaidā' o 'tābāñ' 'sāqī' o 'mā.il'

huā tārāj gulshan jab ḳhizāñ aa.ī bahāroñ meñ

'firāq' aur 'mīr' 'nāsir' aur 'sirī-rām' ab kahāñ 'sāhir'

ki the ilm-o-adab ke behtarīñ ḳhidmat-guzāroñ meñ

nishan ilm-o-adab ka ab bhi hai ujDe dayaron mein

ki 'salim' aur 'muztar' hain purani yaadgaron mein

gharaz 'kaifi'-o-'shair' 'sail'-o-'beKHud' 'hasan' 'shaida'

alam hain arsa-e-ilm-o-adab ke shahsawaron mein

'nasim' o 'barq' o 'raunaq' 'ghaus' o 'kaifi' 'azmi' o 'mahir'

'sharar' aur 'zar'-o-'moajiz' namwar hain sehr-karon mein

'mubin' 'yakta' 'qamar' 'aKHlaq' 'shauq' aur 'shakir'-o-'ghafil'

'munir'-o-'shams' sab hain ilm-o-fan ke dost-daron mein

'quraishi' 'wahidi' 'asif-baqai' aur 'hasan-KHwaja'

hain ahd-e-hazira mein sab adab ke puKHta-karon mein

'said' o 'yas' o 'wahshi' 'amn' aur 'mahmud' aur 'akbar'

nahin go dehli wale dehlawi hain istiaron mein

'munawar' 'muntazir' 'barakat' 'jari' 'fani' 'adib' 'ashiq'

'nihaal' aur 'fikr' aate hain isi mad ke shumaron mein

hamari dars-gahon mein adab ke 'nazim'-o-'nashir'

KHuda rakkhe nazar aate hain aksar honhaaron mein

'ali' o 'talib' o 'shaida' o 'taban' 'saqi' o 'mail'

hua taraj gulshan jab KHizan aai bahaaron mein

'firaq' aur 'mir' 'nasir' aur 'siri-ram' ab kahan 'sahir'

ki the ilm-o-adab ke behtarin KHidmat-guzaron mein