nishtaron par jism sara rakh diya

nishtaroñ par jism saarā rakh diyā

zaḳhm par lafzoñ kā phāhā rakh diyā

raat kī bhīgī huī dīvār par

maiñ ne ik raushan sitāra rakh diyā

raat tum ne raushnī ke khel meñ

kyuuñ mire saa.e pe saaya rakh diyā

maiñ ne vo patvār bhī lauTā diye

biich dariyā ke kinārā rakh diyā

phuul the in meñ magar ḳhushbū na thī

lafz ko sūñghā uThāyā rakh diyā

dushmanī achchhī nikālī vaqt ne

bojh in kāñdhoñ pe kaisā rakh diyā

sab tamāshā khel saarā us kā thā

naam nāhaq hī hamārā rakh diyā

nishtaron par jism sara rakh diya

zaKHm par lafzon ka phaha rakh diya

raat ki bhigi hui diwar par

main ne ek raushan sitara rakh diya

raat tum ne raushni ke khel mein

kyun mere sae pe saya rakh diya

main ne wo patwar bhi lauTa diye

bich dariya ke kinara rakh diya

phul the in mein magar KHushbu na thi

lafz ko sungha uThaya rakh diya

dushmani achchhi nikali waqt ne

bojh in kandhon pe kaisa rakh diya

sab tamasha khel sara us ka tha

nam nahaq hi hamara rakh diya