niyyat agar KHarab hui hai huzur ki

niyyat agar ḳharāb huī hai huzūr kī

gaḌ.h lo koī kahānī hamāre qusūr kī

kyuuñ dil kī aag le na ḳhabar duur duur kī

kaundī hai har dimāġh meñ bijlī futūr kī

har zulm par kiyā hai zamāne se ehtijāj

kuchh bhī na ban paḌā to mazammat zarūr kī

ta.amīr kā to vaqt hai taḳhrīb kā junūñ

ab bhī hai aadmī ko zarūrat shu.ūr kī

ai shām-e-ġham kī gahrī ḳhamoshī tujhe salām

kānoñ meñ ek aa.ī hai āvāz duur kī

hosh uḌ ga.e to hosh haqīqat kā aa gayā

muusā kī be-hisī meñ tajallī thī nuur kī

kahtā hai inqalāb zamāna jise 'falak'

ik duniyā muntazir hai usī ke zuhūr kī

niyyat agar KHarab hui hai huzur ki

gaDh lo koi kahani hamare qusur ki

kyun dil ki aag le na KHabar dur dur ki

kaundi hai har dimagh mein bijli futur ki

har zulm par kiya hai zamane se ehtijaj

kuchh bhi na ban paDa to mazammat zarur ki

tamir ka to waqt hai taKHrib ka junun

ab bhi hai aadmi ko zarurat shuur ki

ai sham-e-gham ki gahri KHamoshi tujhe salam

kanon mein ek aai hai aawaz dur ki

hosh uD gae to hosh haqiqat ka aa gaya

musa ki be-hisi mein tajalli thi nur ki

kahta hai inqalab zamana jise 'falak'

ek duniya muntazir hai usi ke zuhur ki