nizam-e-fikr ne badla hi tha sawal ka rang
Interesting Fact
Aaj Kal, Delhi
nizām-e-fikr ne badlā hī thā savāl kā rañg
jhalak uThā ka.ī chehroñ se infi.āl kā rañg
na gul-kadoñ ko mayassar na chāñd-tāroñ ko
tire visāl kī ḳhushbū tire jamāl kā rañg
zarā sī der ko chehre damak to jaate haiñ
ḳhushī kā rañg ho yā ho ġham-o-malāl kā rañg
zamāna apnī kahānī sunā rahā thā hameñ
ubhar gayā magar āġhāz meñ ma.aal kā rañg
asīr-e-vaqt hai to maiñ huuñ vaqt se āzād
tire uruuj se achchhā mire zavāl kā rañg
ba-sān-e-taḳhta-e-gul merī fikr hai āzād
misāl-e-qaus-e-quzah hai mire ḳhayāl kā rañg
nizam-e-fikr ne badla hi tha sawal ka rang
jhalak uTha kai chehron se infial ka rang
na gul-kadon ko mayassar na chand-taron ko
tere visal ki KHushbu tere jamal ka rang
zara si der ko chehre damak to jate hain
KHushi ka rang ho ya ho gham-o-malal ka rang
zamana apni kahani suna raha tha hamein
ubhar gaya magar aaghaz mein maal ka rang
asir-e-waqt hai to main hun waqt se aazad
tere uruj se achchha mere zawal ka rang
ba-san-e-taKHta-e-gul meri fikr hai aazad
misal-e-qaus-e-quzah hai mere KHayal ka rang
- Book : 1971 ki Muntakhab Shayri (Pg. 65)
- Author : Kumar Pashi, Prem Gopal Mittal
- Publication : P.K. Publishers, New Delhi (1972)
- Edition : 1972
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
