نظام ہر دو عالم انتظام وسعت دل ہے

نظام ہر دو عالم انتظام وسعت دل ہے

یہ جو کچھ ہے وہی سب کچھ ہے سب کچھ اس میں شامل ہے

مجھے آتا ہے ہر مشکل کو آسانی بنا لینا

مجھے مشکل نہیں مشکل بڑی مشکل یہ مشکل ہے

تلاش منزل مقصود ہے اک شغل بیکاری

بہت کچھ ہم کو اپنی سعئ لا حاصل سے حاصل ہے

مقام عافیت ملتا ہے کب برگشتہ قسمت کو

ہم آ پہونچے تو یوں سمجھو بلا منزل پہ نازل ہے

بچا لے جائے تو کشتی کو موجوں کے تھپیڑوں سے

ابھی تو دور ہی عافیت ساحل سے ساحل ہے

ترے پس ماندگان راہ بھی ہیں رہبر عالم

یہاں تو جو کوئی ناقص بھی ہے کامل سے کامل ہے

ہجوم حسرت و ارماں سے گھر خالی نہیں رہتا

جہاں ہم ہیں وہاں ہر وقت اک محفل کی محفل ہے

جہاں خوددار بنتا ہے وہاں خوددار بنتا ہے

یہی تو حال خوشترؔ ہے جہاں سائل ہے سائل ہے