nizam-e-har-do-alam intizam-e-wusat-e-dil hai

nizām-e-har-do-ālam intizām-e-vus.at-e-dil hai

ye jo kuchh hai vahī sab kuchh hai sab kuchh is meñ shāmil hai

mujhe aatā hai har mushkil ko āsānī banā lenā

mujhe mushkil nahīñ mushkil baḌī mushkil ye mushkil hai

talāsh-e-manzil-e-maqsūd hai ik shaġhl-e-bekārī

bahut kuchh ham ko apnī sa.i-e-lā-hāsil se hāsil hai

maqām-e-āfiyat miltā hai kab bargashta-qismat ko

ham aa pahoñche to yuuñ samjho balā manzil pe nāzil hai

bachā le jaa.e tū kashtī ko maujoñ ke thapeḌoñ se

abhī to duur hī āfiyyat-e-sāhil se sāhil hai

tire pas-māñdagān-e-rāh bhī haiñ rahbar-e-ālam

yahāñ to jo koī nāqis bhī hai kāmil se kāmil hai

hujūm-e-hasrat-o-armāñ se ghar ḳhālī nahīñ rahtā

jahāñ ham haiñ vahāñ har-vaqt ik mahfil kī mahfil hai

jahāñ ḳhud.dār bantā hai vahāñ ḳhud.dār bantā hai

yahī to haal 'ḳhushtar' hai jahāñ saa.il hai saa.il hai

nizam-e-har-do-alam intizam-e-wusat-e-dil hai

ye jo kuchh hai wahi sab kuchh hai sab kuchh is mein shamil hai

mujhe aata hai har mushkil ko aasani bana lena

mujhe mushkil nahin mushkil baDi mushkil ye mushkil hai

talash-e-manzil-e-maqsud hai ek shaghl-e-bekari

bahut kuchh hum ko apni sai-e-la-hasil se hasil hai

maqam-e-afiyat milta hai kab bargashta-qismat ko

hum aa pahonche to yun samjho bala manzil pe nazil hai

bacha le jae tu kashti ko maujon ke thapeDon se

abhi to dur hi aafiyyat-e-sahil se sahil hai

tere pas-mandagan-e-rah bhi hain rahbar-e-alam

yahan to jo koi naqis bhi hai kaamil se kaamil hai

hujum-e-hasrat-o-arman se ghar KHali nahin rahta

jahan hum hain wahan har-waqt ek mahfil ki mahfil hai

jahan KHuddar banta hai wahan KHuddar banta hai

yahi to haal 'KHushtar' hai jahan sail hai sail hai