nizam-e-zar ka ye behuda jal tha hi nahin

nizām-e-zar kā ye behūda jaal thā hī nahīñ

hamārī poTlī meñ aisā maal thā hī nahīñ

hazār sūrateñ dekhī thiiñ ek sūrat meñ

ġham-e-zamāna hamārā vabāl thā hī nahīñ

chale hī chalte the ik raushnī kī rau meñ kahīñ

safar-navardī kuchh aisā kamāl thā hī nahīñ

baras rahā thā makānoñ pe abr zoroñ kā

magar ye dil ki sire se nihāl thā hī nahīñ

shabeñ yūñhī kisī ḳhāl-e-dahan meñ kāTte the

junūn karne kā koī ḳhayāl thā hī nahīñ

magar zamāna rag-o-pai meñ se guzartā hai

ki ab kī baar vo apnī misāl thā hī nahīñ

nizam-e-zar ka ye behuda jal tha hi nahin

hamari poTli mein aisa mal tha hi nahin

hazar suraten dekhi thin ek surat mein

gham-e-zamana hamara wabaal tha hi nahin

chale hi chalte the ek raushni ki rau mein kahin

safar-nawardi kuchh aisa kamal tha hi nahin

baras raha tha makanon pe abr zoron ka

magar ye dil ki sire se nihaal tha hi nahin

shaben yunhi kisi KHal-e-dahan mein kaTte the

junun karne ka koi KHayal tha hi nahin

magar zamana rag-o-pai mein se guzarta hai

ki ab ki bar wo apni misal tha hi nahin