نظام زندگی بالکل الگ تشکیل ہوتا ہے

نظام زندگی بالکل الگ تشکیل ہوتا ہے

خلا میں روشنی کا ذائقہ تبدیل ہوتا ہے

نظر کے بار سے اجسام ہیئت چھوڑ دیتے ہیں

جہان بے طلب میں آئنہ تفصیل ہوتا ہے

بھنور سے پہلے ہی ترتیب سے نکلے ہوئے تھے ہم

خلا میں حادثہ بھی باعث تکمیل ہوتا ہے

کوئی خواہش نہ ضد کی اس بدن کے ساتھ میں نے بھی

مجھے معلوم ہے اک شہر کب تحصیل ہوتا ہے

دھماکہ در دھماکہ عاشقی کے سین چلتے ہیں

نئے موسم میں اپنا گھونسلہ تبدیل ہوتا ہے