نوک نیزہ پہ رکھتے ہیں سر بھی

نوک نیزہ پہ رکھتے ہیں سر بھی

اور ہاتھوں میں اپنے خنجر بھی

کیا خبر کوئی کیسے پیش آئے

پھول بھی رکھیے اور پتھر بھی

دن بھی پھرتے ہیں لے کے قسمت کو

لوٹ آتے ہیں شام کو گھر بھی

چھت پہ دلبر کے جو اترتے تھے

اڑ گئے اب وہ سب کبوتر بھی

اپنے ہم سایہ کی خوشی کے لئے

کر دیا اس نے منتقل گھر بھی

جو تمنا ہے پوری کر لیجے

پیش ہے سر بھی اور پتھر بھی

جس کے بند نقاب کھلتے نہ تھے

کیا ہوئی اس کے سر کی چادر بھی

جب پروں کو ہوا کترتی ہے

ساتھ دیتے نہیں ہیں شہ پر بھی