numu ki KHak se uTThega phir lahu mera
numū kī ḳhaak se uTThegā phir lahū merā
aqab se vaar kare chāhe jañg-jū merā
lakīr khīñch ke mujh pe vo phir mujhe dekhe
nigār-o-naqsh meñ chehra hai hū-ba-hū merā
raqīb-e-tishna tū jī bhar ke ḳhaak chāTegā
chaTaḳh ke TuuT gayā haath meñ subū merā
maiñ apnī ruuh kī tārīkiyoñ meñ jhāñk chukā
nikal sakā na kamīñ-gāh se adū merā
ye ruup apne masīhā kā dekh kar 'sāqib'
aTak ke rah hī gayā saañs dar-gulū merā
numu ki KHak se uTThega phir lahu mera
aqab se war kare chahe jang-ju mera
lakir khinch ke mujh pe wo phir mujhe dekhe
nigar-o-naqsh mein chehra hai hu-ba-hu mera
raqib-e-tishna tu ji bhar ke KHak chaTega
chaTaKH ke TuT gaya hath mein subu mera
main apni ruh ki tarikiyon mein jhank chuka
nikal saka na kamin-gah se adu mera
ye rup apne masiha ka dekh kar 'saqib'
aTak ke rah hi gaya sans dar-gulu mera
- Book : Khayaabaan (Pg. 133)
- Author : Hassan Abbas Raza
- Publication : Bazm-e-Khayaabaan-e-adab, Pakistan
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
