numu to pahle bhi tha iztirab maine diya

numū to pahle bhī thā iztirāb maiñ ne diyā

phir us ke zulm-o-sitam kā javāb maiñ ne diyā

vo ek Dūbtī āvāz-e-bāz-gasht ki aa

savāl maiñ ne kiyā thā javāb maiñ ne diyā

vo aa rahā thā magar maiñ nikal gayā kahīñ aur

so zaḳhm-e-hijr se baḌh kar azaab maiñ ne diyā

agarche hoñToñ pe paanī kī buuñd bhī nahīñ thī

sulagte lamhoñ ko ek sail-e-āb maiñ ne diyā

khulā hai pahlu-e-pur-josh be-muhābā aa

ik aur mashvara-e-inqilāb maiñ ne diyā

ye mujh se girya-e-bebāk kyuuñ nahīñ hotā

to apne dard ko ḳhud pech-o-tāb maiñ ne diyā

naḳhīl-o-kisht ko sairāb maiñ nahīñ kartā

zamīñ ko qarz magar be-hisāb maiñ ne diyā

badan ḳhud apnī hī tajsīm kar nahīñ paate

qarīb aayā to āñkhoñ ko ḳhvāb maiñ ne diyā

numu to pahle bhi tha iztirab main ne diya

phir us ke zulm-o-sitam ka jawab main ne diya

wo ek Dubti aawaz-e-baz-gasht ki aa

sawal main ne kiya tha jawab main ne diya

wo aa raha tha magar main nikal gaya kahin aur

so zaKHm-e-hijr se baDh kar azab main ne diya

agarche honTon pe pani ki bund bhi nahin thi

sulagte lamhon ko ek sail-e-ab main ne diya

khula hai pahlu-e-pur-josh be-muhaba aa

ek aur mashwara-e-inqilab main ne diya

ye mujh se girya-e-bebak kyun nahin hota

to apne dard ko KHud pech-o-tab main ne diya

naKHil-o-kisht ko sairab main nahin karta

zamin ko qarz magar be-hisab main ne diya

badan KHud apni hi tajsim kar nahin pate

qarib aaya to aankhon ko KHwab main ne diya