numud-e-subh ki pahli kiran kuchh aur kahti hai

numūd-e-sub.h kī pahlī kiran kuchh aur kahtī hai

magar tārīkī-e-ḳhāk-e-vatan kuchh aur kahtī hai

payām-e-mausam-e-gul bāġhbāñ mere sar-āñkhoñ par

magar vīrānī-e-sehn-e-chaman kuchh aur kahtī hai

vahāñ hai naaz ahl-e-jāh ko qaumī taraqqī par

yahāñ bekāri-e-arbāb-e-fan kuchh aur kahtī hai

na ho māyūs tum hālāt se dair-o-haram vaalo

ki ab tanzīm-e-shaiḳh-o-barhaman kuchh aur kahtī hai

gadā.ī se kahīñ miltī hai āzādī zabānoñ ko

uTho ki ġhairat-e-ahl-e-suḳhan kuchh aur kahtī hai

kise ham mo'atabar samjheñ kise nā-mo'tabar 'muslim'

sahar kuchh aur kahtī hai kiran kuchh aur kahtī hai

numud-e-subh ki pahli kiran kuchh aur kahti hai

magar tariki-e-KHak-e-watan kuchh aur kahti hai

payam-e-mausam-e-gul baghban mere sar-ankhon par

magar virani-e-sehn-e-chaman kuchh aur kahti hai

wahan hai naz ahl-e-jah ko qaumi taraqqi par

yahan bekari-e-arbab-e-fan kuchh aur kahti hai

na ho mayus tum haalat se dair-o-haram walo

ki ab tanzim-e-shaiKH-o-barhaman kuchh aur kahti hai

gadai se kahin milti hai aazadi zabanon ko

uTho ki ghairat-e-ahl-e-suKHan kuchh aur kahti hai

kise hum mo'atabar samjhen kise na-mo'tabar 'muslim'

sahar kuchh aur kahti hai kiran kuchh aur kahti hai