numud-e-tegh hui pa-e-motabar na bacha

numūd-e-teġh huī pā-e-mo'tabar na bachā

vo ran paḌā kisī shāne pe koī sar na bachā

hikāyat-e-ġham-e-duniyā raqam lahū se huī

hamāre zikr pe paanī bhī buuñd bhar na bachā

ragoñ meñ dauḌte rahnā lahū kī fitrat hai

Thahar gayā to koī mauqa’-e-safar na bachā

hazār ḳhvāboñ kī duniyā meñ 'umr guzrī ho

haqīqateñ hoñ muqābil to phir nazar na bachā

bachā na ġhair bhī bargashta-tāla'ī se mirī

maiñ jis ke saa.e meñ baiThā vahī shajar na bachā

har ek raah thī us ke nishān-e-pā meñ zam

kahāñ maiñ jā.ūñ ki jab naqsh-e-rah-guzar na bachā

numud-e-tegh hui pa-e-mo'tabar na bacha

wo ran paDa kisi shane pe koi sar na bacha

hikayat-e-gham-e-duniya raqam lahu se hui

hamare zikr pe pani bhi bund bhar na bacha

ragon mein dauDte rahna lahu ki fitrat hai

Thahar gaya to koi mauqa’-e-safar na bacha

hazar KHwabon ki duniya mein 'umr guzri ho

haqiqaten hon muqabil to phir nazar na bacha

bacha na ghair bhi bargashta-tala'i se meri

main jis ke sae mein baiTha wahi shajar na bacha

har ek rah thi us ke nishan-e-pa mein zam

kahan main jaun ki jab naqsh-e-rah-guzar na bacha