nutq ne chheDi rang ki garmi tabish-e-harf ka haal na puchh

nutq ne chheḌī rang kī garmī tābish-e-harf kā haal na pūchh

kaif-e-tamanna kī har aahaT se dil kā janjāl na pūchh

ḳhāl-o-ḳhat-e-anfās kī lahreñ bujh kar sho.ala hotī ga.iiñ

farsh-e-tarāvat par takvīn se uljhā urf-e-ḳhayāl na pūchh

shor-e-alāmat lafz kī kokh se uTh kar tūfāñ-bār huā

tashbīhoñ kī bhiiḌ nigal kar saut ke māh-o-sāl na pūchh

jāma-e-ḳhāk se lipTī añgiyāre kī kirneñ ḳhushk na kar

soz-e-ināyat bhes badal kar niklā is kā taal na pūchh

nutq ne chheDi rang ki garmi tabish-e-harf ka haal na puchh

kaif-e-tamanna ki har aahaT se dil ka janjal na puchh

KHal-o-KHat-e-anfas ki lahren bujh kar shoala hoti gain

farsh-e-tarawat par takwin se uljha urf-e-KHayal na puchh

shor-e-alamat lafz ki kokh se uTh kar tufan-bar hua

tashbihon ki bhiD nigal kar saut ke mah-o-sal na puchh

jama-e-KHak se lipTi angiyare ki kirnen KHushk na kar

soz-e-inayat bhes badal kar nikla is ka tal na puchh