اوڑھ کر شال تری یادوں کی گھر جاتا ہوں

اوڑھ کر شال تری یادوں کی گھر جاتا ہوں

گھر نہ جاؤں تو سر راہ بکھر جاتا ہوں

سرد موسم کے تھپیڑوں سے جو نخل گل پر

چوٹ پڑتی ہے تو کچھ اور سنور جاتا ہوں

حسن والوں پہ تو دیتا ہوں ہمیشہ پہرہ

وادیٔ عشق میں بے لوث اتر جاتا ہوں

مرنے والوں کو جلانے میں مزہ آتا ہے

جینے والوں پہ تو میں روز ہی مر جاتا ہوں

سوچ کو آگ دکھاتا ہوں ترے چہرے کی

آگ کو دل میں لگا کر میں نکھر جاتا ہوں

دن کو کہتا ہوں نہیں یاد نہیں کرنا اسے

شام کو اپنے ہی وعدے سے مکر جاتا ہوں