oDh kar shaal teri yaadon ki ghar jata hun

oḌh kar shaal tirī yādoñ kī ghar jaatā huuñ

ghar na jā.ūñ to sar-e-rāh bikhar jaatā huuñ

sard mausam ke thapeḌoñ se jo naḳhl-e-gul par

choT paḌtī hai to kuchh aur sañvar jaatā huuñ

husn vāloñ pe to detā huuñ hamesha pahra

vādī-e-'ishq meñ be-laus utar jaatā huuñ

marne vāloñ ko jalāne meñ maza aatā hai

jiine vāloñ pe to maiñ roz hī mar jaatā huuñ

soch ko aag dikhātā huuñ tire chehre kī

aag ko dil meñ lagā kar maiñ nikhar jaatā huuñ

din ko kahtā huuñ nahīñ yaad nahīñ karnā use

shaam ko apne hī vā'de se mukar jaatā huuñ

oDh kar shaal teri yaadon ki ghar jata hun

ghar na jaun to sar-e-rah bikhar jata hun

sard mausam ke thapeDon se jo naKHl-e-gul par

choT paDti hai to kuchh aur sanwar jata hun

husn walon pe to deta hun hamesha pahra

wadi-e-'ishq mein be-laus utar jata hun

marne walon ko jalane mein maza aata hai

jine walon pe to main roz hi mar jata hun

soch ko aag dikhata hun tere chehre ki

aag ko dil mein laga kar main nikhar jata hun

din ko kahta hun nahin yaad nahin karna use

sham ko apne hi wa'de se mukar jata hun