oDha hai jab se maine tumhaare wajud ko

oḌhā hai jab se maiñ ne tumhāre vajūd ko

ik aag lag ga.ī mere saare vajūd ko

uThtī hai mere jism se tere badan kī lau

lagtā hai chuum leñge sitāre vajūd ko

maiñ ne badan utaar ke gaThḌī meñ rakh diyā

kaise sambhāltā maiñ udhāre vajūd ko

ye ruuh kā safar bhī samundar se kam nahīñ

milte nahīñ haiñ is ke kināre vajūd ko

thā lamha-e-visāl kahīñ jism se pare

ab is jagah se kaun pukāre vajūd ko

ik huuk sī uThī hai tere vasl kī safī'

samjhā.e kaun hijr ke maare vajūd ko

oDha hai jab se main ne tumhaare wajud ko

ek aag lag gai mere sare wajud ko

uThti hai mere jism se tere badan ki lau

lagta hai chum lenge sitare wajud ko

main ne badan utar ke gaThDi mein rakh diya

kaise sambhaalta main udhaare wajud ko

ye ruh ka safar bhi samundar se kam nahin

milte nahin hain is ke kinare wajud ko

tha lamha-e-visal kahin jism se pare

ab is jagah se kaun pukare wajud ko

ek huk si uThi hai tere wasl ki safi'

samjhae kaun hijr ke mare wajud ko