aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

pa-ba-gil sab hain rihai ki kare tadbir kaun

Parveen Shakir

pa-ba-gil sab hain rihai ki kare tadbir kaun

Parveen Shakir

MORE BYParveen Shakir

    pā-ba-gil sab haiñ rihā.ī kare tadbīr kaun

    dast-basta shahr meñ khole mirī zanjīr kaun

    merā sar hāzir hai lekin merā munsif dekh le

    kar rahā hai merī fard-e-jurm ko tahrīr kaun

    aaj darvāzoñ pe dastak jaanī pahchānī hai

    aaj mere naam laatā hai mirī ta.azīr kaun

    koī maqtal ko gayā thā muddatoñ pahle magar

    hai dar-e-ḳhema pe ab tak sūrat-e-tasvīr kaun

    merī chādar to chhinī thī shaam tanhā.ī meñ

    be-ridā.ī ko mirī phir de gayā tash.hīr kaun

    sach jahāñ pā-basta mulzim ke kaTahre meñ mile

    us adālat meñ sunegā adl tafsīr kaun

    niiñd jab ḳhvāboñ se pyārī ho to aise ahd meñ

    ḳhvāb dekhe kaun aur ḳhvāboñ ko de tābīr kaun

    ret abhī pichhle makānoñ na vāpas aa.ī thī

    phir lab-e-sāhil gharauñdā kar gayā ta.amīr kaun

    saare rishte hijratoñ meñ saath dete haiñ to phir

    shahr se jaate hue hotā hai dāman-gīr kaun

    dushmanoñ ke saath mere dost bhī āzād haiñ

    dekhnā hai khīñchtā hai mujh pe pahlā tiir kaun

    pa-ba-gil sab hain rihai ki kare tadbir kaun

    dast-basta shahr mein khole meri zanjir kaun

    mera sar hazir hai lekin mera munsif dekh le

    kar raha hai meri fard-e-jurm ko tahrir kaun

    aaj darwazon pe dastak jaani pahchani si hai

    aaj mere nam lata hai meri tazir kaun

    koi maqtal ko gaya tha muddaton pahle magar

    hai dar-e-KHema pe ab tak surat-e-taswir kaun

    meri chadar to chhini thi sham ki tanhai mein

    be-ridai ko meri phir de gaya tashhir kaun

    sach jahan pa-basta mulzim ke kaTahre mein mile

    us adalat mein sunega adl ki tafsir kaun

    nind jab KHwabon se pyari ho to aise ahd mein

    KHwab dekhe kaun aur KHwabon ko de tabir kaun

    ret abhi pichhle makanon ki na wapas aai thi

    phir lab-e-sahil gharaunda kar gaya tamir kaun

    sare rishte hijraton mein sath dete hain to phir

    shahr se jate hue hota hai daman-gir kaun

    dushmanon ke sath mere dost bhi aazad hain

    dekhna hai khinchta hai mujh pe pahla tir kaun

    RECITATIONS

    Parveen Shakir

    Parveen Shakir,

    Sabiha Khan

    Sabiha Khan,

    Parveen Shakir

    pa-ba-gil sab hain rihai ki kare tadbir kaun Parveen Shakir

    Sabiha Khan

    pa-ba-gil sab hain rihai ki kare tadbir kaun Sabiha Khan

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now