paband har jafa pe tumhaari wafa ke hain

pāband har jafā pe tumhārī vafā ke haiñ

rahm ai buto ki ham bhī to bande ḳhudā ke haiñ

gulchīñ bahār-e-gul meñ na kar man.a sair-e-bāġh

kyā ham ġhubār dāman-e-bād-e-sabā ke haiñ

ye sāda-rū jo saaf nahīñ rahte shām-e-vasl

āshiq ġhubār dāman-e-sub.h-e-ḳhafā ke haiñ

jis ko yaqīñ baqā kā ho vaa.iz tirī sune

ham log mast bāda-e-jām-e-fanā ke haiñ

ai 'mehr' tab-e-barq ne betāb dil kiyā

mazmūñ chamak-damak ke qavāfī balā ke haiñ

paband har jafa pe tumhaari wafa ke hain

rahm ai buto ki hum bhi to bande KHuda ke hain

gulchin bahaar-e-gul mein na kar mana sair-e-bagh

kya hum ghubar daman-e-baad-e-saba ke hain

ye sada-ru jo saf nahin rahte sham-e-wasl

aashiq ghubar daman-e-subh-e-KHafa ke hain

jis ko yaqin baqa ka ho waiz teri sune

hum log mast baada-e-jam-e-fana ke hain

ai 'mehr' tab-e-barq ne betab dil kiya

mazmun chamak-damak ke qawafi bala ke hain