pabandiyon se apni nikalte wo pa na the

pābandiyoñ se apnī nikalte vo pā na the

sab rāste khule the magar ham pe vā na the

ye aur baat shauq se ham ko sunā gayā

phir bhī vahī sunāyā sunā ik fasāna the

ik āg-sā.ebān thā sar par tanā huā

pal pal zamīñ saraktī thī aur ham ravāna the

dariyā meñ rah ke koī na bhīge to kis tarah

ham be-niyāz terī tarah ai ḳhudā na the

hargiz gila nahīñ hai ki tū mehrbāñ na thā

kab ham bhī apne aap se behad ḳhafā na the

kyuuñ sabr-āshnā na huā nā-murād dil

tere karam ke haath to yuuñ be-atā na the

vo aur ham se pūchhe ki 'bilqīs' kuchh to kah

kam-baḳht ham ki hosh hī apne bajā na the

pabandiyon se apni nikalte wo pa na the

sab raste khule the magar hum pe wa na the

ye aur baat shauq se hum ko suna gaya

phir bhi wahi sunaya suna ek fasana the

ek aag-saeban tha sar par tana hua

pal pal zamin sarakti thi aur hum rawana the

dariya mein rah ke koi na bhige to kis tarah

hum be-niyaz teri tarah ai KHuda na the

hargiz gila nahin hai ki tu mehrban na tha

kab hum bhi apne aap se behad KHafa na the

kyun sabr-ashna na hua na-murad dil

tere karam ke hath to yun be-ata na the

wo aur hum se puchhe ki 'bilqis' kuchh to kah

kam-baKHt hum ki hosh hi apne baja na the