pak hai lazzat-e-ishrat se zaban-e-waiz

paak hai lazzat-e-ishrat se zabān-e-vā.iz

jo balā aa.e ilāhī so ba-jān-e-vā.iz

ham-nafas bāġh-e-jināñ ghar hai gunahgāroñ kā

DhūñDh dozaḳh meñ kahīñ jā ke makān-e-vā.iz

ḳhidmat-e-rind qadah-nosh meñ ye be-adabī

jī meñ hai kāTiye dāñtoñ se zabān-e-vā.iz

ḳhud-farāmosh hai kyā aur ko samjhā.egā

rāst-bāzoñ se kajī par hai gumān-e-vā.iz

kyuuñ na ho tīr-e-ishārāt se aalam majrūh

qadd-e-ḳham-gashta hai goyā ki kamān-e-vā.iz

pak hai lazzat-e-ishrat se zaban-e-waiz

jo bala aae ilahi so ba-jaan-e-waiz

ham-nafas bagh-e-jinan ghar hai gunahgaron ka

DhunDh dozaKH mein kahin ja ke makan-e-waiz

KHidmat-e-rind qadah-nosh mein ye be-adabi

ji mein hai kaTiye danton se zaban-e-waiz

KHud-faramosh hai kya aur ko samjhaega

rast-bazon se kaji par hai guman-e-waiz

kyun na ho tir-e-ishaaraat se aalam majruh

qadd-e-KHam-gashta hai goya ki kaman-e-waiz