pala umid-o-bim se nagah paD gaya

paalā umīd-o-bīm se nāgāh paḌ gayā

dil kā banā banāyā gharauñdā ujaḌ gayā

ulTī thī mat zamāna-e-murda-parast kī

maiñ ek hoshyār ki zinda hī gaḌ gayā

sharbat kā ghūñT jaan ke piitā huuñ ḳhūn-e-dil

ġham khāte khāte muñh kā maza hī bigaḌ gayā

aise ke paañv chūmiye yā pyaar kījiye

qadmoñ pe maiñ jhukā to vo duunā akaḌ gayā

donoñ ke dil se pūchhiye anjām-e-kār-e-ishq

sil ghiste ghiste ghis ga.ī baTTā ragaḌ gayā

khīñchī jo sidq-e-dil se asīroñ ne āh-e-sard

phir kyā thā paañv bād-e-ḳhizāñ kā ukhaḌ gayā

allāh-rī kashākash-e-dair-o-haram ki 'yās'

hairat ke maare biich dorāhe pe gaḌ gayā

pala umid-o-bim se nagah paD gaya

dil ka bana banaya gharaunda ujaD gaya

ulTi thi mat zamana-e-murda-parast ki

main ek hoshyar ki zinda hi gaD gaya

sharbat ka ghunT jaan ke pita hun KHun-e-dil

gham khate khate munh ka maza hi bigaD gaya

aise ke panw chumiye ya pyar kijiye

qadmon pe main jhuka to wo duna akaD gaya

donon ke dil se puchhiye anjam-e-kar-e-ishq

sil ghiste ghiste ghis gai baTTa ragaD gaya

khinchi jo sidq-e-dil se asiron ne aah-e-sard

phir kya tha panw baad-e-KHizan ka ukhaD gaya

allah-ri kashakash-e-dair-o-haram ki 'yas'

hairat ke mare bich dorahe pe gaD gaya