panw kisi shor mein na shar mein khule

paañv kisī shor meñ na shar meñ khule

nā'ra-e-zanjīr kī zabar meñ khule

haath parinde jo phaḌphaḌā.e bahut

talḳh-kalāmi-e-ḳhushk-o-tar meñ khule

niiñd ke jangal the ḳhvāb-gāh meñ gum

dasht se lipTe hue nagar meñ khule

dil to kisī mustaqar kī mauj meñ thā

daaġh magar dāman-e-safar meñ khule

māthā sajā.ūñ sajīle paat se maiñ

tāb-e-sitāra jo barg-e-tar meñ khule

jism laboñ tak bahut rasīd huā

shāḳhchoñ ke zā.iqe samar meñ khule

chiTThī barā.e faroġh-e-rang samajh

muTThī agar dastak-e-sahar meñ khule

panw kisi shor mein na shar mein khule

na'ra-e-zanjir ki zabar mein khule

hath parinde jo phaDphaDae bahut

talKH-kalami-e-KHushk-o-tar mein khule

nind ke jangal the KHwab-gah mein gum

dasht se lipTe hue nagar mein khule

dil to kisi mustaqar ki mauj mein tha

dagh magar daman-e-safar mein khule

matha sajaun sajile pat se main

tab-e-sitara jo barg-e-tar mein khule

jism labon tak bahut rasid hua

shaKHchon ke zaiqe samar mein khule

chiTThi barae farogh-e-rang samajh

muTThi agar dastak-e-sahar mein khule