pas aa kar chala gaya koi
paas aa kar chalā gayā koī
hañste hañste rulā gayā koī
dil kī duniyā meñ aa gayā koī
dard ban kar samā gayā koī
yuuñ bahār aa.ī aur chalī bhī ga.ī
jaise aa kar chalā gayā koī
dard-e-ulfat se āshnā kar ke
mujh se āñkheñ churā gayā koī
phir nazar meñ bahār raqsāñ hai
phir tasavvur pe chhā gayā koī
haa.e re merī nīm-bedārī
aate aate chalā gayā koī
rāz-e-ulfat na chhup sakā 'nayyar'
āñkhoñ āñkhoñ meñ pā gayā koī
pas aa kar chala gaya koi
hanste hanste rula gaya koi
dil ki duniya mein aa gaya koi
dard ban kar sama gaya koi
yun bahaar aai aur chali bhi gai
jaise aa kar chala gaya koi
dard-e-ulfat se aashna kar ke
mujh se aankhen chura gaya koi
phir nazar mein bahaar raqsan hai
phir tasawwur pe chha gaya koi
hae re meri nim-bedari
aate aate chala gaya koi
raaz-e-ulfat na chhup saka 'nayyar'
aankhon aankhon mein pa gaya koi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
